Հոկտեմբերի 17-ին Ռումինիայի իշխող PNL կուսակցության պատգամավոր Դանիել Գեորգեն (Daniel Gheorghe) ֆեյսբուքյան իր էջում գրել է. «Այն, ինչ կատարվում է այս օրերին Հայաստանի և Ադրբեջանի միջև, չի կարող տարանջատվել Էրդողանի օսմանական հարձակումից և «Օսմանյան կայսրության» վերակազմավորման քաղաքականությունից։ Պարտադիր չէ, որ դա լինի տարածքների ընդլայնման դասական տեսքով։ Էրդողանի ռեժիմը ձգտում է, որ Թուրքիան, լինելով տարածաշրջանային ուժ, վերաճի համաշխարհային գերտերության:
Թուրքիան ոչ միայն չճանաչեց Առաջին աշխարհամարտի ընթացքում Հայոց ցեղասպանության ողբերգության պատասխանատվությունը, այլ նույնիսկ վերափոխվեց ստվերային տերության` երաշխավորելով Կասպից ծովի նավթի պաշարներով հարստացած ավտորիտար Ադրբեջանի հավակնությունները:
Հայաստանը Հարավային Կովկասում ժողովրդավարական երկիր է՝ բնակեցված քրիստոնյա ժողովրդով։ Այն գտնվում է աճող թշնամական միջավայրում՝ իսլամիզմի և Լոզանի ու Մոնթրոյի պայմանագրերից ձերբազատվող նոր ու վրեժխնդիր Թուրքիայի կողքին, որը վերածննդի ճանապարհին է գտնվում՝ բոլոր պետական ու ոչ պետական վեկտորների ակտիվացման և հզորացման արդյունքում և որը պատրաստ է հեծնել նեոօսմանյան հետադիմական հայեցակարգի կանաչ ձիերին (իսլամական գործոնի օգտագործում)»:
Կարդացեք նաև
