ԱՄՆ նախագահի հանրապետական թեկնածու, կոնգրեսական Թուլսի Գաբարդը (լուսանկարում) կոչ է արել աշխատել ՆԱՏՕ-ի դաշնակից երկրների հետ Թուրքիային դաշինքից հեռացնելու համար, հայտնում է ԱՄՆ հայ դատի գրասենյակը։
Գաբբարդի ներկայացրած բանաձևում ներկայացված են հետևյալ կետերը․
Թուրքիան մեծացրել է իր ներգրավվածությունը Ադրբեջանի և Լեռնային Ղարաբաղի միջև հակամարտության մեջ՝ ցուցաբերելով այս անգամ արդեն անմիջական ռազմական օգնություն Ադրբեջանին։
Թուրքիան փակ է պահում Հայաստանի հետ սահմանը, պետություն, որը բարեկամական հարաբերություններ ունի ԱՄՆ-ի հետ։ Թուրքիան սպառնում է Հայաստանին, Լեռնային Ղարաբաղին և աշխարհի տարբեր հայկական համայնքներին։
Կարդացեք նաև
Ապացուցված է, որ Թուրքիան Հայաստանի և Լեռնային Ղարաբաղի դեմ պայքարի համար սիրիացի գրոհայինների է ուղարկում, որոնցից շատերը կապ ունեն «Ալ Կաիդայի» և ԻՊ-ի հետ։
Տեղեկություններ կան, որ Թուրքիան մասնակցել է կամ վերահսկել Լեռնային Ղարաբաղի դեմ Ադրբեջանի ՌՕՈւ հարձակողական գործողությունները, թուրքական F-16 կործանիչները մասնակցել են Ղարաբաղի և հենց Հայաստանի դեմ հարձակումներին։
ՆԱՏՕ-ն կոչ է արել անհապաղ դադարեցնել ռազմական գործողությունները, սակայն Թուրքիան գործում է ՆԱՏՕ-ի այդ դիրքորոշման դեմ։
Ի պատասխան Կանադայի որոշմանն այն մասին, որ ռազմական նշանակության սպառազինությունների ու սարքավորումների վաճառքը կասեցնում է, Թուրքիան դժգոհություն է հայտնել Կանադայի որոշման դեմ՝ վկայակոչելով ՆԱՏՕ-ում իրենց դաշնակցային հարաբերությունները։
Պատրաստեց Վիկտորյա ԱՆԴՐԵԱՍՅԱՆԸ
