Ստեփանակերտում լրատվամիջոցների հետ հանդիպման ժամանակ Գերմանիայի պատգամավորները նշեցին. «Մենք սեպտեմբերի 27-ին ցնցված էինք, երբ իմացանք, որ հարձակում է սկսվել Արցախի ու Հայաստանի վրա: Ադրբեջանը Թուրքիայի աջակցությամբ կամ հրամանով դուրս է եկել Մինսկի համանախագահների խմբի խաղաղ գործընթացից եւ որոշել խնդիրը լուծել ուժով:
Երբ վերլուծում ենք Ադրբեջանի նախորդ քայլերը, հասկանում ենք, որ նա երբեք էլ պատրաստ չի եղել խաղաղ լուծման: Նա պատրաստվել է խնդրի ուժային լուծմանը: Մենք տեսել ենք, թե ինչպես է Ադրբեջանը քայլեր անում Արցախի դեմ: Եվ պարզ է, որ նրանք ցանկանում են ոչնչացնել Արցախը: Մենք տեսել ենք, որ Թուրքիան տարբեր երկրներում իրեն հենց այդպես է պահում՝ ձգտելով տարբեր ժողովուրդների էթնոսպանություններ իրականացնել:
Անհրաժեշտ է Բաքվի եւ Անկարայի, այդ երկրների պատերազմատենչ ղեկավարների նկատմամբ խստագույն պատժամիջոցներ կիրառել: Գերմանիան չի կարող զենքով այս պատերազմին միջամտել՝ օգնելով Հայաստանին կամ Արցախին: Այն, ինչ կարող է անել, Անկարայի նկատմամբ խստագույն պատժամիջոցներ կիրառելն է, որն ավելի ուժեղ կլինի, քան զենքով միջամտելը:
Մենք այսօր նստած ենք այստեղ՝ Արցախում, Ստեփանակերտում եւ Բեռլինին կոչ ենք անում, որպեսզի կառավարությունը ներազդի Անկարայի եւ Բաքվի վրա»:
Կարդացեք նաև
Աշոտ ՀԱԿՈԲՅԱՆ
