Լրագրողներից մեկը ՊՆ ներկայացուցիչ Արծրուն Հովհաննիսյանից հետաքրքրվեց՝ ՏԱՍՍ-ը՝ հղում տալով ադրբեջանական պետական մարմիններին՝ գրել էր, որ Ադրբեջանը պատրաստ է միակողմանի կարգով Հայաստանին փոխանցել ադբեջանական կողմում գտնվող հայ զինծառայողների մարմինները՝ Թովուզի շրջանում՝ Կարմիր խաչի միջնորդությամբ, արդյո՞ք ճիշտ է այս լուրը, եւ եթե այո, ինչպե՞ս է միակողմանի իրականացվելու դիերի փոխանակումը եւ ինչ է արվելու թշնամիների դիերի հետ, երբ արդեն խոսվում է վարակի մասին:
«Լիովին չեմ տիրապետում այս տեղեկությանը, բայց դա ինձ համար բոլորովին զարմանալի չէ, թեեւ ինքս էլ կարդացել եմ ՏԱՍՍ-ի հաղորդագրությունը: Այս տեղեկությունը շատ խոսուն է այն իմաստով, որ Ադրբեջանին պետք չեն սեփական դիերը, Ադրբեջանը թքած ունի սեփական կորուստների վրա: Ես այսօր տեսա նաեւ այն տեսանյութը, որի մասին տղաները ասեկոսեներով ասում էին, ես լսում էի զորքերից եւ մի քանի անգամ բարձրաձայնել եմ, թե ճահճուտներում ինչպես են կենդանիները հոշոտում իրենց դիակները: Այնպես որ զարմանալու ոչինչ չկա»,- պատասխանեց ՊՆ ներկայացուցիչը:
Արդյո՞ք հավաստի են լուրերը, որ Գորիսում եւ Վարդենիսում թշնամական ԱԹՍ-ներ են նկատվել: Այս հարցի վերաբերյալ Արծրուն Հովհաննիսյանը նշեց, որ 2 ԱԹՍ խոցվել է Հայաստանի Հանրապետության տարածքում եւ այլ մանրամասներ չցանկացավ հայտնել: Հարցին՝ պահպանվե՞լ է հրադադարը Վարդենիսի, Քարվաճառի շրջանում, ՊՆ ներկայացուցիչն ասաց, որ ընդհանուր առմամբ ոչ մի ուղղությամբ էլ չի պահպանվել:
Հարցին՝ հումանիտար զինադադարից հետո հայկական կողմը հայտնեց, որ պատրաստ է մարդասիրական միջանցք տրամադրել շրջափակման մեջ հայտնված ադրբեջանական զորքերին, ի՞նչ ճակատագրի է արժանացել շրջափակման մեջ մնացած ադրբեջանական զորքը, Արծրուն Հովհաննիսյանը պատասխանեց «Քանի որ մի քանի տեղերում ադրբեջանական զորքն իր ծուղակն ընկած վիճակը ներկայացնում է առաջխաղացում, մի քիչ ծիծաղելի է, բայց այդպիսի վիճակներ էլ են լինում, հետեւաբար չեմ կարող մեկնաբանել, թե ԱՆ մամուլի խոսնակ Վահրամ Պողոսյանը որ հատվածի մասին էր խոսում»,-ասաց նա:
Կարդացեք նաև
Նաեւ փաստեց, որ ինչպես այս պատերազմում, այնպես էլ նախորդ անգամ խոստացած ու չպահպանած հրադադար ունենք:
Գոհար ՀԱԿՈԲՅԱՆ
