ԱՀ արտակարգ իրավիճակների պետական ծառայության ֆեյսբուքյան էջում կարդում ենք․
Քաղաքը պետք է անհապաղ իր նախկին հունի մեջ մտնի, այդ ուղղությամբ կոնկրետ ու գործնական քայլեր արդեն կատարվում են: Առաջնայինը՝ բնակչության համար անվտանգ միջավայր ստեղծելն է:
Արցախի Հանրապետության Արտակարգ իրավիճակների պետական ծառայության տնօրեն, պարետ Կարեն Սարգսյանն այսօր հերթական շրջայցն է կատարել մայրաքաղաք Ստեփանակերտում, հետևել ծառայության սակրավորական խմբի աշխատանքներին, միաժամանակ ստուգել կատարված աշխատանքը:
Սակրավորական ջոկատներն այժմ աշխատում են մի քանի ուղղություններով: Տեսանելի վայրերում քաղաքն արդեն մաքրվել է պայթած ու չպայթած ռումբերից ու արկերից: Այժմ աշխատանքներն ընթանում են՝ ըստ բնակչության կանչերի:
Կարդացեք նաև
Կարեն Սարգսյանն այնուհետև եղել է հրթիռակոծված քաղաքացիական ենթակառուցվածքներում: «Ադրբեջանը չի՛ կարող ոչնչացնել հազարամյակներով ստեղծած Արցախի ազգային ինքնությունը: Մեզանից յուրաքանչյուրը պետք է և պարտավոր է անել ամեն ինչ, օր առաջ մեր բնակավայրերն ավելի բարեկեցիկ ու ապահով դարձնելու համար»-նշել է Կարեն Սարգսյանը:
Պատերազմն ավելի մեծ լսարանին ներկայացնող բրիտանական մեդիաներկայացուցիչներին, ծառայության տնօրենն անձամբ է պատմել ադրբեջանական զինուժի կողմից մեր քաղաքացիական օբյեկտների թիրախավորման, խաղաղ բնակչության շրջանում՝ զոհերի ու վիրավորների, ինչպես նաև Արցախի փրկարարի հագեցած օրակարգի մասին:
https://www.facebook.com/RescueServiceOfTheNKR/posts/3786655504702230?__xts__[0]=68.ARBJz24gIToZz9vuuPsjn0j_lgPSrTVD9W8dQMkNJIB46L6u4eCIX5h6PcIGt72JSw1Ia2ZgBADPWIiZ05uyqWA2iGsKcb1itnL4d9f9wxi-OH12ASW5xwdVP7n9_F_ikkP13aw3eBaN0g7YpvdwHhMSisyS7_nAV2_LXGE8vAGrUxLQASqSTFJOOTVUjirq4KMbvN614DHqOYq-v0YNi-MUSnkUPOiIVI7BJ2eo36xDvJzH2Qx-tadZTxhXO7tthLpt7iv7KBHuNhUEFFwNL55f2akSndGwBQNR8qqjlPPO0nfIf_XwIPUEGUzSTZV8jOPUsyXaQk2nARB5E3UdNy9Tbjsi&__tn__=-R
