Արցախում բնակիչները արդեն 21 օր է՝ ապաստարաններում են։ Այստեղ բնակիչները ամեն կերպ փորձում են իրենց առօրյան համապատասխանեցնել առկա պայմաններին։
Սուսաննա Մարկոսյանը և Գալյա Իգնատևան ապաստարանում են հանդիպել, փորձում են միմյանց և ապաստարանում մյուս տեղ գտածներին հնարավորինս օգտակար լինել։ Տարեց այս կանայք այստեղ նաև հոգ են տանում նրանց համար, որոնք դրա կարիքն ունեն։
Սուսաննա Մարկոսյանը պատմում է, որ ամեն ինչով ապահովված են․ «Ջուրը կա, ուտելը կա, «огород»-ը, բոստանը՝ արել ենք»։
Օրը երեք անգամ ուտելիք են պատրաստում, ապաստարանի մաքրությանը հետևում, խնամում են առողջական խնդիրներ ունեցող անձանց։ Իսկ եթե ինչ-որ բանի պակասություն են ունենում, բերում են տնից։
Կարդացեք նաև
Իսկ այդ պահին էլ, ասում են՝ ամեն ինչ էլ ունեն՝ և՛ միս, և՛ մրգեր, և՛ պահածոներ, միայն բանջարեղեն չկա․ «Կարտոֆիլը, սոխը պարտադիր են կերակուրի համար»։
«Ուտելիքը տալիս են, ուտելիքի վրա փող չենք ծախսում, էլեկտրականությունը կա, հարմար է։ Ի՞նչ անենք, պատերազմական շրջանում ես սև հացին էլ եմ համաձայն, միայն թե կռիվը պրծնի։ Արցախցիները ուժեղ ժողովուրդ են, անկոտրում ժողովուրդ են, կամքը ուժեղ է ղարաբաղցու, դե, պետք է դիմանանք, ի՞նչ անենք, ուրիշ ճար չունենք»,- ասում է Գալյա Իգնատևան։
Ամի ՉԻՉԱԿՅԱՆ
Լուսանկարները՝ Նարեկ Ավագյանի
