Իսրայելի Հայֆա քաղաքից դեպի Երուսաղեմում գտնվող Կնեսետ՝ հայ համայնքի կազմակերպած խաղաղ ավտոերթը ավարտվել է ադրբեջանցիների սանձազերծած բախումով:
Երթի մասնակիցները, որոնց հետ եղել են նաեւ իսրայելցիներ, բողոքում էին Արցախի Հանրապետության նկատմամբ թուրք-ադրբեջանական ահաբեկչական պատերազմի սանձազերծման ընթացքում միջազգային ահաբեկչական երկրի վերածված Ադրբեջանին զենք մատակարարելու դեմ:
Երթի ավարտին ադրբեջանցիները մի քանի մեքենաներով կտրել են խաղաղ հայ ցուցարարների ճանապարհը, քարերով ու մահակներով հարվածել մեքենաներին եւ նրանցում գտնվող հայերին: Տեղի է ունեցել բախում, որի ընթացքում մի քանի հայեր միջին ու թեթեւ ծանրության վնասվածքներ են ստացել, իսկ մեր մի տարեց հայրենակից, որը գտնվելիս է եղել երթի առաջին շարքերում ընթացող մեքենքայում, ուշագնաց է եղել եւ տեղափոխվել է հիվանդանոց:
Դեպքի վայր ժամանած ոստիկանությունը ձերբակալել է մի քանի ադրբեջանցու:
Կարդացեք նաև
Աշոտ ՀԱԿՈԲՅԱՆ
