Ֆրանսիայի խորհրդարան է ներկայացվել Արցախի Հանրապետությունը ճանաչելու մասին օրինագիծ, որն առաջինը ստորագրել է Սոցիալիստական կուսակցության պատգամավոր Ֆրանսուա Պուպոնը: Այս օրինագիծը կքննարկվի առաջիկա շաբաթների ընթացքում, իսկ թե ինչ ընթացք այն կունենա, դեռ պարզ չէ, քանի որ Ֆրանսիայի խորհրդարանում հստակ գործընթաց է ենթադրում: Որպեսզի այն դառնա խորհրդարանի քննարկման առարկա, դեռ պետք է խմբակցություններից մեկն առաջարկի, ինչը խմբակցությունները կարող են ամսվա մեջ մեկ անգամ ներկայացնել։
Ֆրանսահայ կազմակերպությունները համակարգող խորհրդի համանախագահ Արա Թորանյանը «Ժամանակ»-ի հետ զրույցում ասաց, որ այս ուղղությամբ ինտենսիվ աշխատանքներ են իրականացվում։
«Մենք երթեր, ցույցեր ենք կազմակերպում, հիմա էլ կիրակի օրն ենք ցույց կազմակերպել, կհասնենք Շանս Էլիզե, Մակրոնի տուն, կներկայացնենք խնդիրը»,-հավելեց նա։
Հարցին՝ որքանո՞վ է իրատեսական, որ Ֆրանսիան կճանաչի Արցախի Հանրապետությունը, Թորանյանը հույս հայտնեց, որ հնարավոր է Ազգային ժողովն ընդունի․ «Հենց այդ նպատակին են ուղղված մեր աշխատանքները, մեծ ճիգ ու ջանք ենք թափում, որ իրականություն դառնա և մենք հաջողենք»։
Կարդացեք նաև
Սիրանույշ ՊԱՊՅԱՆ
Հոդվածն ամբողջությամբ՝ «Ժամանակ» օրաթերթի այսօրվա համարում:
