ԱՄՆ պետքարտուղար Մայք Պոմպեոն հայ-ադրբեջանական հակամարտության մեջ Թուրքիայի ներգրավվածությունը համարել է վտանգավոր և հույս հայտնել, որ հայերը կկարողանան դիմակայել Ադրբեջանի գործողություններին:
«Դա վտանգավոր է: Այժմ մենք տեսնում ենք, որ թուրքերն առաջ են եկել և ռեսուրսներ են տրամադրում Ադրբեջանին՝ ուժգնացնելով ռիսկը, մեծացնելով կրակային հզորությունը Լեռնային Ղարաբաղի՝ 150 հազար բնակչությամբ փոքրիկ տարածքի շուրջ պատմական պայքարում»,- ասել է Պոմպեոն:
Նա նշել է, որ սա երկարատև հակամարտություն է, որի լուծումը պետք է լինի բանակցությունների և քննարկումների միջոցով՝ ո՛չ զինված դիմակայության, և ո՛չ երրորդ երկրի մասնակցությամբ, «որը գալիս է՝ բերելով իր կրակային հզորությունը մի իրավիճակի լուծման համար, որն արդեն վառոդի տակառ է»:
«Մենք հույս ունենք, որ հայերը կկարողանան պաշտպանել իրենց Ադրբեջանի գործողություններից, և որ նրանք բոլորը կհետևեն հրադադարին և կնստեն սեղանի շուրջ՝ փորձելով հասկանալ այդ պատմական բարդ խնդիրը»,- ասել է նա:
Կարդացեք նաև
Պատրաստեց՝ Վիկտորյա ԱՆԴՐԵԱՍՅԱՆԸ
Դիւանագիտութեան լեզուն ուղիղ չէ, այլ այլաբանօրէն արտայայտուած: Պետական քարտուղարի ուղերձը դրական է մեզ համար, թէեւ բաւարար չէ: ԱՄՆ-ը պէտք է իր լծակներով յետ պահի Թուրքիային ու դա ապացուցի ԳՈՐԾՆԱԿԱՆՕՐԷՆ:
Ըստ էութեան ԱՄՆ-ը կանաչ լոյս է վառում առաջ շարժուելու: Նա յստակ ակնարկում է, որ սա ագրեսիա է Ադրբեջանի եւ Թուրքիայի կողմից: Վերջինիս բռնապետները պատերազմական յանցագործներն են: Ադրբեջանը կորած պետութիւն է, Ալիեւը մեծ հաւանականութեամբ միջազգային քրէական դատարանի առաջ է կանգնելու, իսկ Թուրքիային սպասւում են մեծ գլխացաւանքներ:
ՄԵՐ ԱՆԵԼԻՔԸ՝
1. Էլ աւելի ակտիւացնել դիւանագիտութիւնը: Հայկական կողմի համար գերնպաստաւոր իրավիճակ է բոլոր խոշոր խաղացողների առումով՝ ԱՄՆ, Ֆրանսիա, Գերմանիա, Իրան, ՈԴ:
2. Չկորցնել զգօնութիւնը թէ՛ թիկունքում, եւ թէ՛ առաջնագծում: Մեզ օդ ու ջրի պէս միասնութիւն եւ համերաշխութիւն է պէտք:
3. Բանակը չպէտք է կանգնի, այլ պէտք է «հնձելով» առաջ գնայ: ԱՄՆ-ը պարզ ասում է, որ մենք դրա իրաւունքն ունենք՝ մենք իրաւունք ունենք պաշտպանուելու ահաբեկիչներից: