ՀՀ վարչապետի գլխավոր խորհրդական, պաշտպանության նախկին նախարար Վաղարշակ Հարությունյանն այսօր «Արմենպրեսի» մամուլի սրահում հայտարարեց, որ հակամարտության ընթացքում Ադրբեջանն է մշտապես խնդրել զինադադար հաստատել՝ 1992, 1993, 1994 թվականներին, 2016-ին եւ այլն: Այս անգամ էլ դիմեց, զինադադար խնդրեց ու կոպտորեն խախտեց: «Նրանք ասում են, որ հոգնել են սպասել եւ հաշվի չեն առնում, որ միջազգային պարտավորություն են ստանձնել: Մենք գործ ունենք մի պետության հետ, որը պատասխանատու չէ իր միջազգային պարտավորությունների համար եւ փորձում է Ղարաբաղի բնակչությանը երաշխիքներ տալ», – հայտարարեց Վաղարշակ Հարությունյանը:
Ըստ բանախոսի, պատերազմը ցույց տվեց, որ թուրք-ադրբեջանա-ահաբեկչական դաշինքը փորձում է հասնել Մեղրի եւ Քարվաճառ եւ դրանով շրջափակել Արցախը, միանալ Նախիջեւանին: «Իրենք չեն հասել իրենց նպատակներին: Պետք է շատ լավ գիտակցել, որ այս պատերազմը պլանավորվել է Թուրքիայում, հետապնդում է Թուրքիայի շահերի, նեոօսմանիզմի գաղափարները: Թուրքիան լուծում է իր խնդիրները», – ասաց Վաղարշակ Հարությունյանը:
Կարդացեք նաև
Նելլի ԳՐԻԳՈՐՅԱՆ
