Ֆրանսիացի պատգամավոր Ֆրանսուա Պուպոնին խորհրդարան կներկայացնի Արցախի ճանաչման մասին բանաձև։ Այս մասին քաղաքական գործիչը հայտնել է Թվիթերի իր միկրոբլոգում։
«Որպես պատգամավոր՝ ես շարունակում եմ իմ նախաձեռնությունը և վաղն առաջինը կստորագրեմ խորհրդարան ներկայացված բանաձևը, որով կոչ ենք անում Ֆրանսիային ճանաչել Արցախն ու հայկական հողի վրա ապրելու հայերի իրավունքը»,- գրել է պատգամավորն ու հավելել, որ 10 օրից ինքը ղեկավարելու է ֆրանսիական պատվիրակության այցը Հայաստան, որով Ֆրանսիայի աջակցությունն է հայտնելու հայերին։
«Մի մոռացեք, որ Արցախում խաղասեղանին է դրված ոչ թե տարածքի հարցը, այլ ամբողջ տարածաշրջանում կայունության և կրոնական բազմազանության ապահովումը։ Թույլ չտանք Ալիևին և էրդողանին շարունակել այն, ինչ սկսվել է 1915 թվականին։ Միայնակ չթողնենք հայերին Թուրքիայի և Ադրբեջանի դեմ»,- գրել է Պուպոնին։
Կարդացեք նաև
Պատրաստեց Վիկտորյա ԱՆԴՐԵԱՍՅԱՆԸ
Ne laissons pas Alyiev et Erdogan poursuivre ce qui a été commencé en 1915. Ne laissons pas les Arméniens seuls face à l’Azebaidjan et la Turquie. 4/4
— François Pupponi (@fpupponi) October 13, 2020
