Լեռնային Ղարաբաղում հնարավոր է իրավիճակի քաղաքական կարգավորում։ ԵԱՀԿ Մինսկի խմբի համանախագահների առաջարկներն այս առումով մնում են բանակցությունների սեղանին։ Այս մասին հայտարարել է ՌԴ արտգործնախարար Սերգեյ Լավրովը։
«Իհարկե, քաղաքական կարգավորումն հնարավոր է։ Առաջարկները, որոնք մշակել են համանախագահները, շարունակում են մնալ բանակցային սեղանին։ Դրանց բովանդակությունը հայտնի է։ Խոսքը փուլային կարգավորման մասին է, որով պետք է ազատվեն Ղարաբաղին կից շրջանները՝ ապահովելով Ղարաբաղի անվտանգությունը։ Եվ նախքան Ղարաբաղի վերջնական կարգավիճակը որոշելը պետք է ապահովվի Հայաստանի ու Ղարաբաղի միջեւ հուսալի կապ»,- ասել է Լավրովը։
Նա նաև հավելել է, որ հոկտեմբերի 14-ին հեռախոսազրույց է ունեցել Հայաստանի և Ադրբեջանի արտգործնախարարների հետ և հայտնել, որ հրադադարի անհապաղ հաստատման անհրաժեշտության մասին։
«Մեր գլխավոր ուղերձն այն է, որ ամեն դեպքում անհրաժեշտ է շտապ հանդիպում ունենալ զինվորականների մակարդակով և համաձայնեցնել հրադադարի վերահսկման մեխանիզմը, որի մասին ասված է մեր փաստաթղթում, և որը ոչ ոք անգամ չի էլ սկսել քննարկել։ Համապատասխան միտքը ես կրկնել եմ կես ժամ առաջ, երբ ինձ զանգահարել էր Ադրբեջանի արտգործնախարարը։ Նույն ազդակները մենք ուղարկել ենք մեր հայ գործընկերներին»,- ասել է Լավրովը։
Կարդացեք նաև
Պատրաստեց Վիկտորյա ԱՆԴՐԵԱՍՅԱՆԸ
