Ռուսաստանը չի կիսում Լեռնային Ղարաբաղի հակամարտության հնարավոր ռազմական լուծման մասին Թուրքիայի կարծիքը։Սա հայտարարել է ՌԴ արտգործնախարար Սերգեյ Լավրովը։ «Մենք համաձայն չենք Թուրքիայի դիրքորոշման հետ, որը մի քանի անգամ բարձրաձայնել է նաև Իլհամ Ալիևը։ Այստեղ ոչ մի գաղտնիք չկա․ կարծիքը, թե այստեղ հնարավոր է հակամարտության ռազմական լուծում, մենք չենք կարող կիսել»,- ասել է նա։
Լավրովը նշել է, որ Ռուսաստանը Թուրքիային մտերիմ գործընկեր է համարում, բայց ոչ ռազմավարական դաշնակից։ «Մենք երբեք Թուրքիային չենք համարել ռազմավարական դաշնակից։ Նրանք մեր շատ մտերիմ գործընկերներն են, շատ ուղղություններում այդ գործընկերությունն ունի ռազմավարական բնույթ»,- ասել է Լավրովն ու նշել, որ թուրքական և ցանկացած այլ ուղղություններով քաղաքականությունը պետք է խուսափի նյութականացնել այն սկզբունքը, թե պատերազմը քաղաքականության շարունակությունն է։
«Սա իմ խորին համոզմունքն է, թեպետ լինում են իրավիճակներ, որ եթե քո դեմ ագրեսիա են իրականացնում, թնդանոթները չպետք է լռեն» ,- հավելել է ՌԴ արտգործնախարարը։
Կարդացեք նաև
Պատրաստեց Վիկտորյա ԱՆԴՐԵԱՍՅԱՆԸ
