«Չեմ կարծում, որ ՌԴ-ն Արցախի հարցում միակողմանին դիրքորոշում ցուցաբերի»,-նման կարծիք հայտնեց քաղաքագետ Ստեփան Գրիգորյանը՝ անդրադառնալով այսօր Մոսկվայում տեղի ունեցած ՀՀ եւ ՌԴ ԱԳ նախարարների հանդիպման արդյունքներին:
«Ես ուշադիր լսեցի Զոհրաբ Մնացականյանի ելույթը, կարծում եմ՝ ճիշտ էին նախարարի կողմից հարցադրումներն արվում՝ Թուրքիայի միջամտության, վարձկանների խնդրի վերաբերյալ, գլխավորը, որ մենք ազդակներն ուղարկեցինք, հիմա չեմ քննարկում մյուս հարցերը՝ երկկողմ հարաբերություններ, Արցախի հարցի վտանգները…»,- շարունակեց քաղաքագետը:
Անդրադառնալով ՌԴ չեզոք դիրքորոշմանը՝ մեր զրուցակիցը կարծիք հայտնեց, որ, ամեն դեպքում, Ռուսաստանը զսպիչ մեխանիզմ է Թուրքիայի եւ մասամբ՝ Ադրբեջանի համար. «Դժվարանում եմ ասել՝ Ռուսաստանն իրեն ինչպես է պահելու, Ռուսաստանը մեծ երկիր է, շատ այլ հանգամանքներ կան, այլ շահեր էլ ունի, որոնք առնչվում են Թուրքիայի, Իրանի հետ, եւ այդ շահերն ինչ-որ չափով արձագանք են տալիս Ղարաբաղի հարցում, եւ այդ է պատճառը, որ դժվարանում եմ ասել՝ ինչքանով ՌԴ-ն կհաղթի չեզոքությունը: Ի վերջո, Պուտինի նախաձեռնությամբ էին Ադրբեջանի ու ՀՀ ԱԳ նախարարները հանդիպել, ստորագրել հրադադարի մասին համաձայնագրի տակ, հետեւաբար՝ եթե հիմա տապալվի զինադադարի գործընթացը, առաջիկա մեկ, երկու, երեք օրերի ընթացքում էլ լիակատար հրադադար չլինի, նշանակում է, որ ՌԴ-ն Ադրբեջանի վրա ազդելու լծակներ չունի, Ռուսաստանի անձամբ Պուտինի պատվի հարցն է, Ռուսաստանի հեղինակության խնդիրն է»:
Կարդացեք նաև
Արփինե ՍԻՄՈՆՅԱՆ
