«Չգիտեմ՝ որքանո՞վ է կոռեկտ ասելը, թե քանի ձայնով է ընտրվել, բայց քանի որ առաջադրված կամ ինքնաառաջադրված էր մեկ թեկնածու, ընտրվելու համար պահանջվում էր առնվազն հինգ կողմ ձայն»,-լրագրողների հետ զրույցում այսօր ասաց ՀՀ սահմանադրական դատարանի դատավոր Էդգար Շաթիրյանը: Հիշեցնենք, որ ՍԴ դատավորներն այսօր նախագահ ընտրեցին. առաջադրվել էր միայն ՍԴ դատավոր Արման Դիլանյանը:
«Քվեարկությանը մասնակցել են բոլոր դատավորները: Ընտրվելու համար պարոն Դիլանյանն առնվազն 5 կողմ ձայն ստացել է»,-հայտնեց Էդգար Շաթիրյանը: Նա նշեց, որ վաղը ՍԴ-ում տեղի կունենա ՍԴ փոխնախագահի ընտրության հարցով աշխատակարգային նիստ:
Լուիզա ՍՈՒՔԻԱՍՅԱՆ
