Հայաստանում ՌԴ արտակարգ եւ լիազոր դեսպան Սերգեյ Կոպիրկինն այսօր վարչապետ Նիկոլ Փաշինյանի հետ հանդիպումից հետո լրագրողների հետ զրույցում ասաց, որ Ղարաբաղյան հակամարտության գոտի խաղաղապահներ բերելու հարցը չի քննարկվել:
ՌԴ դեսպանը նշեց, որ Փաշինյանն իր գնահատականներն է ներկայացրել ընթացող իրադարձությունների վերաբերյալ, երախտագիտություն հայտնել ԵԱՀԿ Մինսկի խմբի համանախագահներին, Ռուսաստանի նախագահին՝ կրակը դադարեցնելու ուղղությամբ գործադրվող ջանքերի համար:
Հարցին՝ ակնհայտ է, որ հրադադարի ռեժիմը չի պահպանվում, ի՞նչ պետք է անել այս իրավիճակում, դեսպանն ի պատասխան ասաց՝ պետք է հասնել նրան, որ այդ ռեժիմը պահպանվի: Հարցին՝ օրինակ ի՞նչ, դեսպանը պատասխանեց. «Ռուսաստանի դիվանագիտության եւ անձամբ նախագահ Վլադիմիր Պուտինի ջանքերը նրա համար են, որպեսզի բախումները դադարեցվեն: Մենք գտնվում ենք ակտիվ շփումների մեջ բոլոր կողմերի հետ»:
Դեսպանի խոսքով՝ Ռուսաստանի դիրքորոշումն այն է, որ անհրաժեշտ է դադարեցնել ռազմական գործողությունները, վերադառնալ բանակցային սեղան ու առարկայական բանակցություններ վարել ԵԱՀԿ Մինսկի խմբի հովանու ներքո:
Կարդացեք նաև
Լուսինե ԲՈՒԴԱՂՅԱՆ
