Այսօր Եվրասիական միջկառավարական խորհրդի նիստից հետո կմեկնարկի բաց նիստը Եվրասիական տնտեսական հանձնաժողովի կոլեգիայի նախագահի օգնական Իյա Մալկինան լրագրողների հետ զրույցում ասել է, որ բարձր մակարդակի հանձնաժողովի նիստի ընթացքում ձեռք է բերվել պայմանավորվածություն, որը Ռուսաստանին, Ղազախստանին եւ Հայաստանին թույլ կտա վերացնել լարվածությունը հայկական համարներով ավտոմեքենաների ձեւակերպման հարցում:
«Ես ոչ մի դեպքում կասկածի տակ չեմ առնում գնորդների պարտաճանաչությունը, բայց միեւնույն ժամանակ չիմացությունը չի ազատում պատասխանատվությունից: Հանձնաժողովն Իր իրավասության տեսանկյունից արել է ամեն ինչ, որպեսզի իրավիճակը կարգավորող ազգային որոշումները շատ նման լինեն: Այսօր «գնդակն» այս խնդրի կարգավորման համար պատասխանատու ազգային մարմինների դաշտում է»:
Հիշեցնենք, որ ամիսներ առաջ խնդիրներ ծագեցին Հայաստան ներկրված եւ Ղազախստանի քաղաքացիներին վաճառած ավտոմեքենաների հետ:
Լուսինե ԲՈՒԴԱՂՅԱՆ
