ՄԻ ԼՌԵՔ, ԳՈՐԾԵ՛Ք
ՄԱԿ-ը և Միավորված ազգերի կրթական, գիտական և մշակութային կազմակերպությունը (UNESCO) պարտավոր են ուշադրություն դարձնել և գործուն միջոցներ ձեռնարկել Արցախի մշակութային արժեքները պահպանելու հարցում:
Դուք չե՛ք կարող լինել անզոր:
Դուք չե՛ք կարող լռել:
Կարդացեք նաև
Ձեր լռության պատճառով առնվազն 2014 թվականից մշակութային ժառանգության ոչնչացումն իրականացվեց «Իսլամական պետություն» ահաբեկչական կազմակերպության կողմից Իրաքում և Սիրիայում: Ահաբեկիչները թալանեցին և ոչնչացրեցին պատմական արժեք ներկայացնող բազմաթիվ կրոնական և այլ շինություններ ու առարկաներ:
Դուք լռեցիք, երբ Էրդողանը Սուրբ Սոֆիան կրկին պղծեց:
Այժմ թուրք-ադրբեջանական համատեղ ցեղասպան ծրագրով ահաբեկիչ վարձկանները հարձակում են գործում ընդդեմ հայերի և հայ ազգի մշակութային ժառանգության:
Թուրքերը վաղուց են իրականացնում «մշակութային մաքրման» ցեղասպան ծրագիրը:
Ինչո՞ւ եք հապաղում: Բավակա՞ն չէ:
Սպասում եք, որ իսլամական ահաբեկիչ վարձկանները տեղափոխվեն Եվրոպայի սի՞րտը, թալանեն, ջարդեն ու անարգեն եվրոպական համամարդկային և մշակութային արժեքնե՞րը…
Հայերն այսօր կենաց-մահու կռիվ են մղում ոչ միայն թշնամու, այլ նաև նրա կողմից վարձված ահաբեկիչների դեմ:
Ձեր լռությունը հանցագործություն է: Ձեր լռությամբ դուք նպաստում եք ահաբեկիչ վարձկանների բարբարոսություններին: Ձեր լռությամբ դուք մասնակցում եք Թուրքիայի «մշակութային մաքրման» ցեղասպան ծրագրին:
Արցախի Սուրբ Ղազանչեցոց եկեղեցին ռմբակոծելն ահաբեկչություն է քաղաքակրթության դեմ:
Որպես ՄԱԿ-ի անվտանգության խորհրդի, ինչպես նաև` UNESCO-ի անդամ երկրներ` դուք պարտավո՛ր եք հարկադրական գործողություններ ձեռնարկել Թուրքիայի և Ադրբեջանի նկատմամբ:
Մի՛ լռեք:
Լռությամբ` մասնակիցը մի՛ դարձեք ձեր աչքերի առջև կատարվող հանցագործության:
Գործե՛ք:
Զարուհի Փոստանջյան՝ Փաստաբան,
«Երկիր Ծիրանի» կուսակցության նախագահ
