Հոկտեմբերի 6-ին Աթենքում, ՆԱՏՕ-ի գլխավոր քարտուղարի հետ համատեղ հայտարարությունների ժամանակ անդրադառնալով ԼՂ հակամարտության գոտում ստեղծված իրադրությանը, Հունաստանի վարչապետ Կիրիակոս Միցոտակիսը նշել է, որ ՆԱՏՕ-ի գլխավոր քարտուղարի հետ քննարկել են Լեռնային Ղարաբաղի շուրջ ստեղծված մտահոգիչ և ողբերգական զարգացումները, շարունակվող արյունահեղությունը, որը բացի հումանիտար հարթությունից, ապակայունացնում է ողջ տարածաշրջանը:
«Մենք բոլոր ռազմական գործողությունների անհապաղ դադարեցման կողմնակից ենք։ Պետք է դադարեն նաև ռազմական գործողությունները հրահրող արտաքին միջամտությունները: Մենք սատարում ենք Մինսկի խմբի համանախագահների զինադադարի և խաղաղ գործընթացը վերսկսելու կոչերը»,- նշել է Հունաստանի վարչապետը:
