«Մենք դեռ էսկալացիայի փուլում ենք և էսկալացիան գնալով՝ ավելանում է, պարզապես այն պլանները, որ դրել էր Ադրբեջանը՝ ձախողվեց»,- «Ա1+»-ի հետ զրույցում ասաց արևելագետ Սարգիս Գրիգորյանը՝ անդրադառնալով Արցախի վրա Ադրբեջանի հարձակումներին։
Արևելագետը գտնում է, որ Սիրիայի հյուսիսից Ադրբեջան բերված վարձկաններն առաջնագծում Ադրբեջանի համար խնդիրներ են առաջացրել՝ նրանք լավ չեն կռվում։ Նրա ներկայացմամբ՝ Թուրքիան հավաքագրել էր ռազմական գործողությունների փորձ ունեցող լավագույն մարտիկներին, որոնք աչքի են ընկել թե Սիրիայում, թե Լիբիայում, բայց նրանք տապալվեցին։
«Արդեն 50 դիակ տեղափոխել են Սիրիա, բայց էլի կան, որ չգիտենք։ Նրանք տապալվեցին։ Եվ հույսը, որ կապել էին վարձկանների հետ, չաշխատեց։ Հայկական զինուժը ապացուցեց, որ կարող է արժանի հակահարված տալ»,- ասում է Ս․Գրիգորյանը։
Մանրամասները՝ սկզբնաղբյուրում:
