«Այս ժամերին, երբ Թուրքիայի ԱԳ նախարարը գտնվում է Բաքվում, վերջինս հայտարարում է, որ շարունակում են լայնածավալ ռազմական գործողությունները: Սա եւս փաստում է, որ պաշտոնական Անկարան հրահրում է Բաքվին գնալ ռազմական գործողությունների շարունակությանը»,-ԱԺ նիստում այսօր հայտարարեց «Իմ քայլի» պատգամավոր Տաթեւիկ Հայրապետյանը:
Նա շեշտեց՝ Թուրքիայի ԱԳ նախարար Մեւլութ Չավուշօղլուն ասել է, թե հրադադարն իմաստ չունի:
«Այն, որ Ադրբեջանի բանակն ու Իլհամ Ալիեւը դեռ խնդրելու են հրադադար հայկական կողմերից, քննարկումից դուրս է: Այն, որ մենք այսօր կռվում ենք մշտապես պարտվող եւ պարտված ադրբեջանական բանակի դեմ, եւս փաստ է: Այդուհանդերձ, միջազգային հանրությունը եւս համոզվում է, որ այս կռվում խոսքն ապրելու իրավունքի, ահաբեկիչների դեմ պայքարի մասին է: Թուրքիան պետք է բացառվի Արցախի հարցում որեւէ դեր ունենալու իրավունքից: Միայն այդպես հնարավոր կլինի ապահովել տարածաշրջանի կայունությունը»,-շեշտեց պատգամավորը:
Լուիզա ՍՈՒՔԻԱՍՅԱՆ
