Ինչպես տեղեկացրել ենք, ՀՀ-ում ԵՄ պատվիրակության ղեկավար, դեսպան Անդրեա Վիկտորինը մոտ մեկ ժամ տեւած հանդիպում է ունեցել «Իմ քայլը» խմբակցությունում: Հանդիպմանը մասնակցել են Լիլիթ Մակունցը եւ Արման Եղոյանը:
Հանդիպումից հետո դեսպանն ասաց. «Մենք հետեւում ենք իրադարձություններին Բրյուսելից, ԵՄ բարձր ներկայացուցիչները կապի մեջ են արտգործնախարարության հետ եւ մենք շատ հստակ ասել ենք, որ քաղաքացիական անձանց ու քաղաքացիական ենթակառուցվածքների վրա հարձակումը հանդուրժելի չէ որեւէ դեպքում»:
Դիտարկմանը, որ փաստն այն է, որ ձեր հորդորներին Թուրքիան ու Ադրբեջանը չեն արձագանքում, չեն դադարում ռազմական գործողությունները՝ ԵՄ դեսպանը պատասխանեց. «Դա պետք է հարցնեք իրենց, ոչ ինձ»:
Հարցին՝ Թուրքիայի նկատմամբ պատժամիջոցներ ԵՄ-ն չի՞ կիրառելու, որպեսզի զսպի ագրեսիան՝ ԵՄ դեսպանը պատասխանեց. «Սա մի որոշում է, որ պետք է 27 պետություն միասին կայացնեն եւ ես չեմ կարող բոլորի փոխարեն ասել»:
Կարդացեք նաև
Հռիփսիմե ՋԵԲԵՋՅԱՆ
