Հոկտեմբերի 5-ին հայ ժողովրդին իրենց համերաշխությունը հայտնելու նպատակով Իտալիայի ընդդիմադիր «Lega» կուսակցության երիտասարդական թևի ներկայացուցիչներ, որոնց թվում էին Հռոմի քաղաքապետարանի խորհրդական և քաղաքապետարանում «Lega» խմբի նախագահ Մաուրիցիո Պոլիտին, սենատոր Վիլյամ դե Վեկիսը և այլք, ցույց են անցկացրել Իտալիայում ՀՀ դեսպանությանը հարակից հրապարակում։
Ցույցի ընթացքում մասնակիցները վանկարկում էին «Ի՞նչ Թուրքիա, ի՞նչ Ադրբեջան, Լեռնային Ղարաբաղն ազատություն է պահանջում։ Այդ տարածքը Ադրբեջան չէ» բառերը և ցուցադրում «Ազատություն Լեռնային Ղարաբաղին», «Համերաշխություն հայ ժողովրդին» գրառումներով պաստառներ։
