Այսօր լրագրողները «Լուսավոր Հայաստան» խմբակցության ղեկավար Էդմոն Մարուքյանին հարցրեցին՝ ձեր ազգականներից որեւէ մեկը կամավորագրվե՞լ է, ձեր եղբայրը գնացե՞լ է սահման: Նա պատասխանեց. «Ես ունեմ բազմաթիվ հարազատներ, որ հենց հիմա առաջնագծում են: Ունեմ հարազատներ, որոնց հետ չեմ կարողանում կապ հաստատել, էլի առաջնագծում են: Իմ մտերիմ ընկերոջ ընտանիքի անդամը զոհվել է, սպասում եմ, որ գնամ հոգեհանգստին: «Լուսավոր Հայաստանի» բազմաթիվ օգնականներ, անդամներ հենց հիմա առաջնագծում են: Առաջին օրից ինձ դիմել են, որ եկեք ստեղծենք կուսակցական ջոկատ, ես մերժել եմ, ասել եմ՝ մենք ունենք պետություն ու բոլորդ պետք է ներկայանաք զինկոմիսարիատ»:
Ինչ վերաբերում է իր եղբորը՝ Մարուքյանն ասաց. «Երեկվա դրությամբ Տավուշում բաներ էր մատակարարում, չասեմ ինչ, մենք ոչ գովազդում ենք, ոչ նկար ենք դնում»:
Ավելին՝ Մարուքյանն ասաց. «Ես եւ նաեւ իմ որոշ գործընկերներ գնացել ենք Արցախ: Ասել եմ՝ մեզ զենք տվեք՝ կռվենք: Ինձ ասել են՝ ապրես, որ եկել ես, բայց քո անելիքը էնտեղ է, գնա անելիքդ այնտեղ արա»:
Ըստ Մարուքյանի, եթե մարդը պիտանի չի ռազմաճակատում, մի հատ ավելի ավտոմատ է կրակում, բայց եթե կարող է դիվանագիտական ճակատում ավելի մեծ դեր խաղա, ավելի լավ է մնա:
Կարդացեք նաև
Հռիփսիմե ՋԵԲԵՋՅԱՆ
