Թուրքիայի արտգործնախարար Մևլութ Չավուշօղլուն մեկնել է Ադրբեջան, որտեղ այդ երկրի նախագահ Իլհամ Ալիևի հետ կքննարկի Լեռնային Ղարաբաղում տիրող իրավիճակը: Այս մասին հաղորդում է «ՌԻԱ Նովոստին» վկայակոչելով Թուրքիայի ԱԳՆ հաղորդագրությունը:
«Թուրքիայի ԱԳՆ ղեկավար Մևլութ Չավուշօղլուն հոկտեմբերի 6-ին աշխատանքային այցով մեկնել է Ադրբեջան: Այցի ընթացքում նրան կընդունի Ադրբեջանի նախագահ Իլհամ Ալիևը: Նա նաև կարծիքներ կփոխանակի Ադրբեջանի ԱԳՆ ղեկավար Ջեյհուն Բայրամովի հետ Լեռնային Ղարաբաղում տիրող ընթացիկ իրավիճակի և այլ տարածաշրջանային ու միջազգային խնդիրների շուրջ»,- ասվում է հաղորդագրության մեջ:
Պատրաստեց՝ Վիկտորյա ԱՆԴՐԵԱՍՅԱՆԸ
