Ֆրանսիան պատրաստ է նպաստել Լեռնային Ղարաբաղում հրադադարի ռեժիմի հաստատմանը, հայտնել է Ֆրանսիայի արտգործնախարար Ժան Իվ Լե Դրիանը իր ռուս գործընկեր Սերգեյ Լավրովի, Ադրբեջանի և Հայաստանի նախարարներ Ջեյհուն Բայրամովի և Զոհրաբ Մնացականյանի հետ հեռախոսազրույցներից հետո:
«Ֆրանսիան մոբիլիզացնում է իր ջանքերը Լեռնային Ղարաբաղում հրադադարի ռեժիմի հասնելու և բանակցությունները վերսկսելու համար», – գրել է նախարարը Twitter- ի իր էջում և ավելացրել, որ Լավրովի հետ զրույցի ընթացքում պայմանավորվածություն է ձեռք բերվել հրատապ միջոցառումների անհրաժեշտության մասին: «Դա արվել է Մինսկի խմբում երկու երկրների համանախագահության շրջանակներում», – գրել է Լե Դրիանը:
Նախարարը հավելել է, որ Բայրամովի և Մնացականյանի հետ բանակցությունների ընթացքում ինքը հաստատել է իր այդ դիրքորոշումը»:
Պատրաստեց Վիկտորյա ԱՆԴՐԵԱՍՅԱՆԸ
