Ռուսաստանը աշխատանքային շփումների մեջ է Ադրբեջանի և Թուրքիայի հետ Լեռնային Ղարաբաղի հակամարտության կարգավորման հարցով, երկխոսությունը շարունակական և բարձր մակարդակի վրա է։ Իսկ հեռախոսային կապերը անմիջականորեն պետությունների ղեկավարների միջև կախված են նրանց աշխատանքային գրաֆիկից և նպատակահարմարությունից, ասել է ՌԴ նախագահի մամուլի քարտուղար Դմիտրի Պեսկովը։
«Դա կախված է նախագահների աշխատանքային գրաֆիկից և նպատակահարմարությունից: Դուք գիտեք, որ դա ամենևին չի նշանակում, թե ռուսական կողմը աշխատանքային շփումների պակաս ունի», – ասել է Պեսկովը՝ պատասխանելով լրագրողների այն հարցին, թե ինչու Ռուսաստանի նախագահ Վլադիմիր Պուտինը հակամարտության սրման հենց սկզբից երեք անգամ զրուցել է ՀՀ վարչապետ Նիկոլ Փաշինյանի, բայց Թուրքիայի և Ադրբեջանի նախագահներ Էրդողանի և Ալիևի հետ՝ ոչ։
Կրեմլի խոսնակը շեշտել է, որ Ռուսաստանի արտգործնախարար Սերգեյ Լավրովը մշտական կապի մեջ է ադրբեջանցի ու թուրք գործընկերների հետ:
Պատրաստեց Վիկտորյա ԱՆԴՐԵԱՍՅԱՆԸ
