Երրորդ կողմի ներգրավումը Ղարաբաղյան հակամարտության մեջ կարող է միայն ավելի սրել վիճակը, ուստի խաղաղապահներ տեղակայելու հարցը միանշանակ չէ, «ՌԻԱ Նովոստի»-ին ասել է ռուս սենատոր Օլգա Կովիտիդին։
«Լեռնային Ղարաբաղի տարածք խաղաղապահ ուժեր մտցնելու հարցը միանշանակ չէ՝ հաշվի առնելով բարդ իրավիճակը։ Պետք է կանխատեսել երրորդ կողմի ներգրավմամբ առաջ եկող բոլոր ռիսկերը, ինչը կարող է միայն սրել հայ-ադրբեջանական հակամարտությունը»,- ասել է նա։
Կովիտիդին նաև նշել է, որ Մինսկի խմբում բանակցությունները խնդիրը կարգավորելու արդյունավետ մեխանիզմ են։ «Ակնհայտ է, որ «առանց հրադադարի» պայմանով բանակցությունները ապակառուցողական են։ Կրակը պետք է անհապաղ դադարի»,- ասել է սենատորը։
Կարդացեք նաև
Պատրաստեց Վիկտորյա ԱՆԴՐԵԱՍՅԱՆԸ
