Լոս Անջելեսում հայ համայնքը երկու օր է բողոքի ցույցեր է անում՝ ի պաշտպանություն Արցախի ու Հայաստանի: Նրանք փակել էին քաղաքի գլխավոր փողոցները, եւ այդպիսով փորձում էին ուշադրություն հրավիրել Արցախում ընթացող պատերազմական գործողությունների վրա, ինչպես նաեւ պահանջում էին CNN-ից լուսաբանել արցախյան պատերազմը:
ԱՄՆ-ում բնակվող լրագրողներ Արթուր Սահակյանը եւ Արամ Արարատյանը ֆեյսբուքյան ուղիղ եթերով քիչ առաջ տեղեկացրել են, որ CNN-ն ու ամերիկյան այլ լրատվամիջոցները կատարել են իրենց՝ ցույցի մասնակիցների պահանջը:
Լուսանկարները՝ Հրաչյա Պալյանի, Վիլեն Խաչատրյանի եւ Արամ Արարատյանի ֆեյսբուքյան էջերից
