ՀՀԿ փոխնախագահ Արմեն Աշոտյանը ֆեյսբուքյան իր էջում գրել է․
ՀՀԿ երիտասարդական կազմակերպության ևս մի գործընկեր՝ DEMYC-ը (Democrat Youth Community of Europe, Եվրոպայի ժողովրդավարական երիտասարդական համայնք) հայտարարություն է տարածել` խստորեն դատապարտելով ռազմական ուժի և անօդաչու թռչող սարքերի օգտագործումը միջազգայնորեն ճանաչված ինքնիշխան երկրներում, ինչպես նաև անհանգստություն հայտնել Լեռնային Ղարաբաղում կռվող ջիհադիստների ապացուցված ներկայության և արգելված զինատեսակների օգտագործման կապակցությամբ։
Հայտարարություն Լեռնային Ղարաբաղում շարունակվող զինված հակամարտության վերաբերյալ
Լեռնային Ղարաբաղում երկարատև և չկարգավորված հակամարտության վերսկսումից մեկ շաբաթ անց մենք սարսափով և անհանգստությամբ ականատես ենք լինում, որ բռնության աճը չի դադարում և, ցավոք, իրավիճակը վատթարանում է:
Կարդացեք նաև
DEMYC-ը, որպես միջազգային քաղաքական կազմակերպություն, որն ուժեղ ներկայություն ունի Կովկասի ողջ տարածաշրջանում, միշտ ակտիվ դեր է խաղացել տարածաշրջանի բոլոր ներգրավված երկրների միջև իրական երկխոսության համար, քանի որ մենք հավատում ենք նոր սերունդների խաղաղ ապագային, հատկապես հայերի և ադրբեջանցիների:
Մենք խստորեն դատապարտում ենք ռազմական ուժի և անօդաչու թռչող սարքերի օգտագործումը միջազգայնորեն ճանաչված ինքնիշխան երկրներում: Մենք խորապես մտահոգված ենք ԼՂ-ում կռվող ջիհադիստների ապացուցված ներկայությամբ և արգելված զինամթերքի օգտագործմամբ:
Հետևաբար, DEMYC-ը կոչ է անում Լեռնային Ղարաբաղի և հարակից երկրների բոլոր քաղաքական դերակատարներին նպաստել արդյունավետ հրադադարի հաստատմանը, բոլոր ագրեսիաների ավարտին և խաղաղության վերականգնմանը:
Մենք կոչ ենք անում լիազորել ԵԱՀԿ Մինսկի խմբին վերսկսել բանակցությունները հակամարտության խաղաղ և կայուն լուծում գտնելու համար:
Որպես համաեվրոպական և եվրասիական կազմակերպություն՝ DEMYC- ը հավատում է Եվրոպական Արևելյան Գործընկերության արժեքին և խնդրում ԵՄ ավելի ակտիվ ներգրավում հարևանության խաղաղապահ գործընթացներին՝ ազատության և մարդու իրավունքների խթանման համար:
DEMYC-ը` որպես քաղաքական ընտանիք, շարունակելու է լինել հանդիպման վայր` հակամարտող կողմերի միջև դիսկուրս ստեղծելու համար եվրոպական հիմնական արժեքներին համապատասխան, որոնք մենք հրապարակայնորեն քարոզում ենք 1964 թվականից:
Մենք պատրաստ ենք տեղում միջազգային դիտորդական թիմ նախաձեռնել, ներառելով արտասահմանյան մամուլի ներկայացուցիչներին՝ առանց խոչընդոտների բոլոր տարածքների լիարժեք հասանելիությամբ:
DEMYC-ը ցավակցում է հակամարտության ընթացքում անմեղ զոհերի և վիրավորների բոլոր ընտանիքներին:
https://www.facebook.com/armen.ashotyan/posts/10222988541840142
