Ամերիկաբնակ հայերի բողոքի ցույցը CNN-ի մոտ շարունակվում է: Ամերիկահայ երգիչներից մեկը հորդորեց ամոթանքներ տալ Թուրքիային, CNN-ին՝ Արցախի դեմ սանձազերծած պատերազմի ու կեղծ լուրեր հրապարակելու համար: Նա զարմանք հայտնեց՝ ԱՄՆ-ում մի հոգի ՃԵԿ կանոն է խախտում, ողջ ոստիկանությունը գնում է այդ մեկի հետեւից ու բոլոր ԶԼՄ-ները լուսաբանում են, իսկ այս անմարդկային պատերազմը չեն լուսաբանում:
Հովհաննես Բալյանի խոսքով՝ «Այսօր Հայկը ջախջախում է Բելին, ժողովուրդ ջան ու մենք բոլորս Հայկի նիզակի եռաթեւի մի թեւն ենք: Ըստ Ավետարանի սրբազան եւ անխախտ խոսքի, առանց Գողգոթա չկա հարություն ու մենք մի շաբաթ է՝ անցնում ենք այդ գողգոթայի միջով՝ գնում ենք դեպի հարություն՝ ջախջախելով մահը: Մենք այսօր մահանում ենք, որ ապրենք հավիտյան»:
Աշխարհի չեմպիոն Յուրի Սարգսյանն է միացել ամերիկաբնակների ցույցին:
Ցուցարարները ձեւակերպեցին իրենց պահանջները՝ Թուրքիային ՆԱՏՕ-ից դուրս հանել, դադարել զենք տրամադրել այդ ագրեսոր երկրին՝ Ադրբեջանին: Նրանք «Սասունցի Դավիթ» էպոսից հատվածներ էին ասում՝ «ով քնած է, արթուն կացեք, ով արթուն է, ձի թամբեցեք, ով թամբել է, ելեք հեծեք, թուրքերի՛ն հեծեք, մենք դրանց…»:
Կարդացեք նաև
Լոս Անջելեսում ապրող հայ կանայք, տատիկները սնունդ են մատակարարում ցուցարարներին, վերջիններս էլ հորդորում են մարդկանց, ով ինչքան կարող է, գումար ուղարկել Հայաստան համահայկական հիմնադրամին, որ հասնի մեր զինվորներին:
Մանրամասն՝ տեսանյութում
Հռիփսիմե ՋԵԲԵՋՅԱՆ
