«Դուք փակում եք ձեր աչքերը ահաբեկչության վրա, որ այսօր Ադրբեջանն է իրականացնում»,- ամերիկաբնակ հայերի բողոքի ցույցի ընթացքում հայտարարեց ցուցարարներից մեկը՝ դիմելով միջազգային հանրությանը:
Նշենք՝ CNN հեռուստաընկերության շենքի մոտ ամերիկաբնակ հայերն իրենց բողոքի ձայնն են բարձրացնում ընդդեմ Թուրքիայի և Ադրբեջանի: Նրանց միացավ նաև Լոս Անջելեսում ՀՀ գլխավոր հյուպատոս Արմեն Բայբուրդյանը:
Ցուցարարները նաև դիմեցին եվրոպական երկրներին ու հայտարարեցին. «Եվրոպա, պետք է ոտքի կանգնես, քանի որ ահաբեկիչները հետո էլ Եվրոպա են գնալու»:
Նշենք, որ ամերիկաբնակ հայերն իրենց կոչերն արտահայտում էին նաև անգլերեն: Կեսկատակ-կեսլուրջ նաև այսպիսի հայտարարություններ էլ հնչեցին. «Իսկանդերն էր զանգել, ասում էր, եթե ինձ չթռցնեք, կամավոր եմ թռչելու»:
Կարդացեք նաև
Կալիֆորնիա նահանգի մեր հայրենակիցները փաստեցին՝ միասնական մեկ մարմին են և hավաստիացրին՝ մենք էլ այստեղ ենք պայքարելու. «Սահմանին մեր զինվորները չեն հոգնում, մենք էլ չենք հոգնելու, նրանց կողքին ենք, հայն է միասնական: Թասիբով մի բռունցք պիտի դառնանք՝ զինվոր, թե ծեր, կամավոր»:
Մանրամասն՝ տեսանյութում
Տաթև ՀԱՐՈՒԹՅՈՒՆՅԱՆ
