ԱՄՆ պետքարտուղար Մայք Պոմպեոն հոկտեմբերի 2-ին, պատասխանելով լրագրողի հարցին, նշել է, որ տեղյակ է Թուրքիայի կողմից սիրիացի զինյալներ Ադրբեջան տեղափոխելու մասին հրապարակումների հետ:
«Ես նույնպես տեսել եմ այդ հաղորդագրությունը: Այս պահին միայն հետեւյալը կարող եմ ասել: Հուսով եմ ՝ դա ճիշտ չէ: Մենք տեսել ենք, թե ինչպես են Սիրիայի մարտական դիրքերից սիրիացի մարտիկները տեղափոխվում Լիբիա` ստեղծելով է անկայունություն, ավելի մեծ խառնաշփոթ, ավելի լուրջ ընդհարումներ, ավելի լայնածավալ ռազմական գործողություններ: Այդ քալը նույն հետեւանքները կունենա նաեւ Լեռնային Ղարաբաղում: Այնպես որ, հուսով եմ, որ տեղեկությունը չի համապատասխանում իրականությանը»,- ասել է Պոմպեոն:
Նա նշել է, որ այս կապակցությամբ հարցը պետք է ուղղել նախագահ Էրդողանին, թե ինչու է նա նման որոշում կայացրել, և ընդգծել, որ Վաշինգտոնն ունի բավականին հետեւողական տեսակետ այս կապակցությամբ:
«Երբ տիրում է խառնաշփոթ, երբ առկա է քաղաքական էթնիկական լարվածություն, որն աճում է այս սահմաններում երկարատև հակամարտության արդյունքում, այն միջազգայնացնելով, երրորդ կողմի՝ զենքի, զինամթերքի, համակարգերի, նույնիսկ պարզապես խորհրդականների տրամադրումը, ավելի է բարդացնում իրավիճակը, մեծացնում մարդկային կորուստների ռիսկը և նվազեցնում խաղաղության հնարավորությունը»,- շեշտել է պետքարտուղարը:
Կարդացեք նաև
Պոմպեոն ընդգծում է, որ ԱՄՆ կոչ է արել բոլոր կողմերին, պարզապես զերծ մնալ նման քայլերից և միայն հորդորել հրադադարի ռեժիմի վերականգնումն ու երկխոսության ծավալումը՝ խաղաղությանն ու կայունությանը հասնելու համար:
«Մենք սա անշուշտ հաղորդել ենք ինչպես Ադրբեջանին, այնպես էլ Հայաստանին, եւ Թուրքիային: Ես ծանոթացել եմ ԵՄ-ից հնչած ուղերձներին, և Խորվաթիայի վարչապետն ինձ ասաց նույն բանը: Դա այն ուղերձն էր, որը Եվրամիությունն ուղղեց Թուրքիային երեկ կայացած իրենց հանդիպման ժամանակ՛՛,- ասել է Պոմպեոն:
Հոդվածն ամբողջությամբ՝ սկզբնաղբյուրում:
