«Քաղաքացիական զոհերի մասին լուրերը, որ ստանում ենք Լեռնային Ղարաբաղի հակամարտության սրացման հետևանքով, միջազգային հանրության համար ազդակ են կրակի վճռական դադարեցման վրա կենտրոնանալու և գործուն քայլեր ձեռնարկելու Հայաստանի և Ադրբեջանի միջև թշնամանքին վերջ դնելու համար՝ բանակցությունների սեղան վերադառնալու միջոցով։ Միևնույն ժամանակ անհրաժեշտ է զսպել արտաքին ռազմական միջամտությունները, որոնք ավելի կմեծացնեն իրավիճակի վերջնական սրացման վտանգը», – հայտարարում է Իտալիա Վիվա կուսակցության՝ արտերկրում ընտրված սենատոր, Արտաքին հարաբերությունների հանձնաժողովի փոխնախագահ Լաուրա Գարավինին։
«Շատ զգայուն ժամեր են, և կարևոր է, որ այդ ընթացքում բոլոր երկրները ջանքեր գործադրեն՝ լարվածության խորացումը կանխելու նպատակով։ Պետք է հարգել միջազգային մարդասիրական իրավունքը՝ ապահովելով քաղաքացիական բնակչության անվտանգությունը և խուսափելով, որ հակամարտությունը ստանա կրոնական բնույթ՝ շատ ավելի ընդարձակ աշխարհագրությամբ և գաղափարական ազդեցություններով, որ հղի է վտանգավոր և անկանխատեսելի հետևանքներով»-, եզրափակում է սենատորը։
