Ֆրանսիան՝ որպես ԵԱՀԿ Մինսկի խմբի անդամ, մտադիր է Թուրքիայից բացատրություն պահանջել իր տարածքով 300 սիրիացի գրոհայինի Ադրբեջան տեղափոխելու կապակցությամբ։ Այս մասին հայտարարել է Ֆրանսիայի նախագահ Էմանուել Մակրոնը։
Մակրոնը նորից է շեշտել, որ 300 սիրիացի գրոհայինների տեղափոխումը թուրքական Ղազիայնթափից Բաքու հաստատված փաստ է։
«Ես մոտ օրերս այդ հարցով զանգելու եմ Թուրքիայի նախագահ Էրդողանին, քանի որ համարում եմ, որ Ֆրանսիան՝ որպես ԵԱՀԿ Մինսկի խմբի համանախագահ պետք է բացատրություն պահանջի այդ կապակցությամբ»,- ասել է Ֆրանսիայի ղեկավարը և հավելել, որ այդ հարցը քննարկել է նաև ՌԴ նախագահ Վլադիմիր Պուտինի հետ, և Մոսկվան ղարաբաղյան հակամարտությանը գրոհայինների մասնակցությունը թույլ չտալու վերաբերյալ համանման կարծիքի է։
Մակրոնը նաև նշել է, որ ՆԱՏՕ-ի բոլոր անդամները պետք է ուշադրություն դարձնեն Անկարայի վարքին։
Կարդացեք նաև
Պատրաստեց Վիկտորյա ԱՆԴՐԵԱՍՅԱՆԸ
