Լոս Անջելեսի քաղաքային խորհրդի անդամ Փոլ Գրեգորյանը հանդես է եկել բանաձեւի նախաձեռնությամբ, որով Լոս Անջելեսի իշխանությունները դատապարտում են Արցախի Հանրապետության դեմ Ադրբեջանի դաժան հարձակումը։ Այս մասին հայտնում է Լոս Անջելեսի քաղաքային խորհրդի մամուլի ծառայությունը։ Բանաձևը, որի համահեղինակներից է նաև քաղաքային խորհրդի նախագահ Նյուրի Մարտինեսը, պահանջում է Թրամփի վարչակազմից և Կոնգրեսից «օգտագործել բոլոր դիվանագիտական, տնտեսական և քաղաքական միջոցները, որպեսզի ստիպեն Ադրբեջանին կառուցողական մասնակցություն ունենա խաղաղ բանակցային գործընթացին»։
Բանաձևը նշում է, որ Արցախին աջակցելը բխում է ԱՄՆ շահերից և համապատասխանում է ամերիկյան սկզբունքներին։ «Քանի որ մեր երկիրը հավատարիմ է ժողովրդավարության, ազատության արժեքներին, ինքնորոշման իրավունքին, ապա ԱՄՆ-ը բարոյապես պարտավոր է հանդես գալ Արցախի Հանրապետության աջակցությամբ, որը վաստակել է ինքնորոշման իրավունքը և գրեթե 30 տարի բարգավաճում է որպես ազատ, ժողովրդավարական և սուվերեն պետություն»,- ասված է բանաձևում։
Փաստաթուղթը նշում է, որ միջազգային հանրությունը պետք է դատապարտի Ադրբեջանին պատերազմը վերսկսելու, Հայաստանի հետ հրադադարը խախտելու համար։ «Այդ երկրի կոռումպացված և բռնապետական ռեժիմն օգտագործում է կոպիտ ուժ խաղաղ բնակչության դեմ և փորձում է վերականգնել ստալինյան ժամանակաշրջանի բռնաճնշումները Արցախի բնիկ ժողովրդի դեմ նրանց իսկ սեփական հողում»,- ասված է բանաձևում։
https://www.facebook.com/krekorian/videos/4846753888675918
Կարդացեք նաև
Պատրաստեց Վիկտորյա ԱՆԴՐԵԱՍՅԱՆԸ
