Վրաստանի վարչապետ Գեորգի Գախարիան Լեռնային Ղարաբաղի հակամարտող կողմերին առաջարկել է հանդիպել Թբիլիսիում։
«Հայաստանի և Ադրբեջանի միջեւ հերթական ռազմական հակամարտության արդյունքում ստեղծվել է ծանր իրավիճակ, կան մեծ թվով զոհեր և, ցավոք, մարտական գործողությունների դադարեցումն ու երկխոսության վերսկսումը դեռևս հնարավոր չի թվում։ Մենք բոլորս հասկանում ենք, որ իրավիճակի հետագա սրումը բացասական ազդեցություն կունենա ամբողջ տարածաշրջանի անվտանգության վրա։ Մենք եւս մեկ անգամ ԵԱՀԿ Մինսկի խմբի համանախագահներին և միջազգային դերակատարներին կոչ ենք անում առավելագույնս ջանքեր գործադրել էսկալացիան դադարեցնելու և երկխոսության վերականգնման համար»,- հայտարարել է Գախարիան։
Գախարիան նաև նշել է, որ Վրաստանում ապրող հայերն ու ադրբեջանցիները միշտ կարևոր դեր են խաղացել տարածաշրջանում ընդհանուր առմամբ, և նրանց խաղաղ գոյակցությունը լավ օրինակ է այն բանի, թե ինչպես կարող են վրացիները, հայերն ու ադրբեջանցիները Հարավային Կովկասը վերածել խաղաղության և զարգացման գոտու։
Գախարիան նաև նշել է, որ պատրաստ է նպաստել այդ պրոցեսին, այդ թվում՝ կողմերի համար հանդիպում կազմակերպել Թբիլիսիում։
Կարդացեք նաև
Պատրաստեց Վիկտորյա ԱՆԴՐԵԱՍՅԱՆԸ
Լուսանկարը՝ արխիվային
