Ստեփանակերտի երեխաների խնամքի և պաշտպանության թիվ մեկ գիշերօթիկ հաստատության սաները ևս ապաստարաններում են։
Հաստատության անձնակազմը ապահովում է երեխաների անվտանգությունը՝ միևնույն ժամանակ փորձելով կազմակերպել երեխաների ժամանցը։
Կարդացեք նաև
«Ապահով ենք ամեն ինչով, նախարարությունը, բարեգործները ամեն ինչ բերել ապահովել են, ոչ մի բանի կարիք չունենք»,- Aravot.am-ի և «Երկիր մեդիայի» հետ զրույցում ասաց Անի Սիմոնյանը՝ հավելելով, որ դժվար է երեխաներին պահել ապաստարանում, բայց անձնակազմը անում է հնարավոր ամեն ինչ։
Նա նշեց, որ օրերս նշել են երեխաներից մեկի ծննդյան օրը․ «Երգել են, շնորհավորել են, խաղում են երեխաները։ Դաստիարակներ և բուժքույր ունենք այստեղ, դայակն է մնում այստեղ գիշերը։ Երեկ դաստիարակները խաղեր են կազմակերպել դրսում»։
Դաստիարակ Ռիտա Արամյանն էլ ասաց, որ անում են ամեն ինչ, որ երեխաների տրամադրությունը բարձրացնեն, որ նրանք ավելորդ ձայներ չլսեն․ «Երեխաներին հոգեբանական աջակցություն ենք տրամադրում։ Լսում են, որ դրսից երեխաներ են տեղափոխվել, ասում ենք՝ դուք ավելի ապահով տեղում եք, մի՛ վախեցեք, մենք ձեզ հետ ենք, ամեն ինչ լավ կլինի»։
Ամի ՉԻՉԱԿՅԱՆ
Լուսանկարները՝ Նարեկ Ավագյանի
