ՄԻԵԴ-ը վարույթ է ընդունել Հայաստանի կողմից Ադրբեջանի նկատմամբ միջանկյալ միջոց կիրառելու վերաբերյալ դիմումը:
Թե ինչ ենք մենք դրա արդյունքում ստանալու եւ ինչ ենք սպասում ՄԻԵԴ որոշումով՝ այս առնչությամբ Aravot.am-ը զրուցեց «Լուսավոր Հայաստան» խմբակցության պատգամավոր Տարոն Սիմոնյանի հետ: «Մենք ՄԻԵԴ դիմում ենք, երբ որ ըստ մեզ կոնվենցիայի խախտում է տեղի ունեցել: Եվ այդ խախտումը մենք նշել ենք կյանքի իրավունքը, բայց ոչ թե զինվորների, այլ՝ քաղաքացիական բնակչության կյանքի իրավունքի անխնա ոտնահարումը Ադրբեջանի կողմից:
Եվ այդ միջանկյալ գործիքը կիրառելու միջնորդությունը նրանով է պայմանավորված, որ դատարանը որոշում կայացնի ու պարտադրի Ադրբեջանին դադարեցնել հարձակումները քաղաքացիական բնակչության նկատմամբ, որը այդ միջանկյալ որոշման արդյունք պետք է լինի: Ընդունվել է վարույթ, այսինքն, դա նշանակում է, որ ձեւական պահանջներն ամբողջությամբ պահպանված են եղել Հայաստանի կողմից եւ առաջ քաշած հարցը գտնվում է դատարանի իրավազորության ներքո, հետեւաբար, ինքն ընդունել է վարույթ: Վարույթ ընդունելուց հետո պետք է նիստ գումարի, որոշում կայացնի»,- ասաց Տարոն Սիմոնյանը:
Թե ինչ ժամկետներում է ՄԻԵԴ-ը որոշում կայացնելու, նրա խոսքով՝ մենք խնդրել ենք, որ դա անհապաղ լինի, բայց կոնկրետ ժամկետ դժվար է նշել, բայց անհապաղ նիստը նշանակվելու է առաջին իսկ հնարավորության դեպքում:
Կարդացեք նաև
Հռիփսիմե ՋԵԲԵՋՅԱՆ
