«Պետք է բոլորս գիտակցենք, որ մեր կյանքով կապված է մեր սերունդների ապագան, այս հողում ապրելու մեր իրավունքը եւ ամենակարեւորը՝ մեր արժանապատվությունը: Դրա համար ուզում եմ՝ համոզված լինենք, որ կանգնած ենք մինչեւ վերջ:
Մենք չենք խնդրելու զինադադար: Մենք պիտի պարտադրենք զինադադար: Եթե մենք խնդրենք զինադադար, դա լինելու է Հայաստանի վախճանը, ոչ թե Արցախի: Որովհետեւ կռվում ենք ոչ թե Ադրբեջանի դեմ, այլ, տեսնում եք, Թուրքիայի դեմ: Իսկ Թուրքիային հետաքրքիր չի Արցախը, Ջաբրայիլը, Լաչինը, Հորադիզը… Թուրքիային հետաքրքիր է Հայաստան աշխարհն ամբողջությամբ՝ իր պանթյուրքիզմի ծրագրերի առումով: Դրա համար մենք բոլորս պետք է հասկանանք, որ մեր կյանքից, մեր քայլից, առաջին հերթին մեր ապրելու իրավունքից կախված է մեր ապագան: Եվ պիտի փորձենք ապրել»,- այսօր ՀՀ փոխվարչապետ Տիգրան Ավինյանի հետ կամավորներին հանդիպման ժամանակ ասել է ԱՀ նախագահ Արայիկ Հարությունյանը:
Աշոտ ՀԱԿՈԲՅԱՆ
