ՌԴ Պետդուման Լեռնային Ղարաբաղում տիրող իրավիճակի մասին հայտարարություն է տարածել, որով կոչ է անում կողմերին դադարեցնել կրակը։ Ռուս պատգամավորները նաև պատրաստակամություն են հայտնել օգնել հակամարտության խաղաղ կարգավորմանը։
Մասնավորապես նրանք «լուրջ մտահոգություն են հայտնում ղարաբաղյան հակամարտության գոտում իրադրության սրման կապակցությամբ, որը բազմաթիվ մարդկային զոհերի է հանգեցրել, ինչպես նաև դատապարտում են ուժի կիրառումը երկու կողմից էլ»։
«Պետական դուման հայտարարում է կրակի անհապաղ դադարեցման անհրաժեշտության, էսկալացիան թույլ չտալու և խաղաղ կարգավորմանն այլընտրանք չտեսնելու մասին։ Պետդումայի պատգամավորները կողմերին կոչ են անում հնարավորինս արագ վերադառնալ բանակցային գործընթացին և պատրաստակամ են միջնորդական ջանքեր գործադրել իրավիճակի կայունացման համար»,- ասված է հայտարարության տեքստում։
Պատրաստեց Վիկտորյա ԱՆԴՐԵԱՍՅԱՆԸ
