Ադրբեջանի և Թուրքիայի հայատյաց իշխանությունների վերջին օրերի լայնամասշտաբ ագրեսիան Արցախի հանրապետության և ժողովրդի նկատմամբ մեկ անգամ ևս ցույց է տալիս, որ դա հետևողականորեն իրականացվող ֆաշիստական քաղաքականություն է՝ բոլոր տիպի միջազգային կոնվենցիաների և պարտավորությունների համընդհանուր խախտմամբ, իսկ դա նշանակում է, որ որևէ բանակցություն որևէ արդյունք չի կարող տալ, և նախորդ «բանակցությունների» ամբողջ ընթացքը միմիայն եղել է ինչպես 2016թ. ապրիլյան, այնպես էլ՝ ներկա ռազմական ագրեսիային նախապատրաստվելու ժամանակահատված:
Միջազգային հանրությունը պետք է խստորեն դատապարտի Ադրբեջանի և Թուրքիայի այդ բարբարոսական քաղաքականությունը, և ժամանակն է, որ մենք դիմենք մեր ռազմավարական գործընկերներին՝ հստակ գնահատականների և գործողությունների ակնկալիքով:
Մեզ այլ բան չի մնում, քան էապես ընդլայնել Արցախի Հանրապետության շուրջ գտնվող անվտանգության գոտին:
Բարդ է, բայց ոչ անլուծելի:
Կարդացեք նաև
Փառք Հայաստանի Հանրապետությանը
Փառք Արցախի Հանրապետությանը
Փառք Հայոց քաջարի զինվորներին
Միքայել ՄԵԼՔՈՒՄՅԱՆ
ԱԺ ԲՀԿ խմբակցության պատգամավոր, ՀՀ ԱԺ տարածաշրջանային և եվրասիական ինտեգրման հարցերի մշտական հանձնաժողովի նախագահ
