Կարո՞ղ է արդյոք Ադրբեջանը միջազգային կառույցների կողմից ճանաչվել ահաբեկիչ երկիր՝ հաշվի առնելով ահաբեկիչների եւ գրոհայինների ներգրավվածությունը մարտական գործողություններում, այս հարցին ի պատասխան՝ Հայկական միասնական տեղեկատվական կենտրոնում ՀՀ ՊՆ ներկայացուցիչ Արծրուն Հովհաննիսյանն այսօր ճեպազրույցի ժամանակ ասաց՝ դա քաղաքական, միջազգային թեմա է․ «Ադրբեջանի ահաբեկչական գործելաոճը, որն արտահայտվում է խաղաղ բնակչությանը թիրախավորելով, այդ կատեգորիայի զինյալների ներգրավելը եւ այլն, այս ամենը պետք է բարձրացնենք բոլոր ատյաններում եւ փաստերով։ Կճանաչվի՞ ահաբեկիչ, թե՞ ոչ՝ այլ հարթության հարց է»։
Հարցին ի պատասխան՝ ադրբեջանական կողմը պնդում է, որ հայկական կողմը խաղաղ բնակավայրերին է հարվածում, պարոն Հովհաննիսյանն ասաց․ «Մենք երեկ փաստեցինք, թե ադրբեջանական կողմն ինչպես է խփում Ստեփանակերտին։ Թե ինչ ենք իրենք հայտարարում, ընդհանրապես չէի ուզենա մեկնաբանել»։
Երեկ վաղ առավոտից Ադրբեջանը Արցախի սահմանի ողջ երկայնքով հրետակոծում է, ըստ պաշտոնական հաղորդագրության, հակառակորդը կիրառում է իր գրեթե ողջ զինանոցը։ Երկու կողմում էլ կան զոհեր եւ վիրավորներ։
Կարդացեք նաև
Նելլի ԲԱԲԱՅԱՆ
