«Ագրեսիվ գործողություններն Ադրբեջանի համար միշտ ապարդյուն են եղել: Համոզված ենք, որ այս անգամ էլ հաղթանակը մերն է լինելու»,-կեսգիշերին լրագրողների հետ ճեպազրույցում ասաց Արցախի ԱԳ նախարար Մասիս Մայիլյանը:
Նա շեշտեց, որ Ադրբեջանի ագրեսիայի մասին տեղեկացված են միջազգային գործընկերները. արցախյան կողմն ընդգծել է, որ նախահարձակ եղել է Ադրբեջանը: «Շատ կարեւոր է, որպեսզի Արցախի միջազգային ճանաչումը լինի զսպող քայլ, որը կարող է լինել լավագույն պատասխանը՝ Ադրբեջանի հերթական լայնածավալ ագրեսիային»,-նշեց Մայիլյանը:
Անդրադառնալով Հայաստանի կողմից Արցախի անկախությունը ճանաչելու կոչերին՝ Մայիլյանը հիշեցրեց՝ վարչապետ Նիկոլ Փաշինյանը չի բացառել, որ այդ հարցերը պետք է քննարկվեն. «Մենք ասել ենք, որ Տավուշյան դեպքերից հետո այդ հարցն արդի է: Այս ամենն անվտանգային համատեքստում պետք է դիտարկել, բայց այս պահին առավել կարեւոր է Արցախի միջազգային ճանաչումը»:
Կարդացեք նաև
Լուիզա ՍՈՒՔԻԱՍՅԱՆ
