Վրաստանը հույս է հայտնել, որ Ղարաբաղյան հակամարտության հարցում հնարավոր կլինի համաձայնության հասնել զինադադարի վերաբերյալ և տեղափոխվել բանակցությունների սեղանին շուրջ։
«Մենք մտահոգությամբ ենք հետևում Ադրբեջանի և Հայաստանի միջև ռազմական էսկալացիային, որը, ըստ հաղորդումների, արդեն հանգեցրել է զոհերի և ենթակառուցվածքներին հասցրած վնասների: Հուսով ենք, որ հնարավոր կլինի համաձայնության հասնել զինադադարի հարցում և տեղափոխվել բանակցությունների սեղանին շուրջ և խուսափել լայնածավալ ռազմական գործողություններից, ինչը լուրջ բացասական ազդեցություն կունենա ողջ տարածաշրջանի անվտանգության վրա:
Վրաստանը կոչ է անում ԵԱՀԿ Մինսկի խմբի համանախագահներին և միջազգային խաղացողներին ջանքեր գործադրել մարտական գործողությունները դադարեցնելու և կառուցողական երկխոսությունը վերսկսելու համար: Մեր կողմից մենք հայտարարում ենք, որ Վրաստանը պատրաստ է ամեն կերպ նպաստել ապաէսկալացիային և տարածաշրջանում խաղաղության հաստատմանը», – ասված է Վրաստանի ԱԳՆ հայտարարության մեջ:
Պատրաստեց Վիկտորյա ԱՆԴՐԵԱՍՅԱՆԸ
