ԵԿՄ նախագահ Սասուն Միքայելյանը բոլոր երկրապահներին սահման մեկնելու համար պատրաստվելու հրահանգ է տվել։
«Որ առաջին իսկ հրահանգի դեպքում պատրաստ լինեն…Զինված ուժերի հրամանատարության ներքո ինչ հրաման կլինի՝ կկատարենք։ Մենք պատրաստ ենք, մեր ոգին անկոտրում է»,-ասաց Սասուն Միքայելյանը։
Ըստ նրա՝ այս պատերազմը իննսունականներից շարունակվող պատերազմ է եւ պետք է վերջնականապես հաղթանակի հիմքը դնենք։
Սասուն Միքայելյանի խոսքով, ռազմական գործողություններ սկսելով՝ Ադրբեջանը մեզ հնարավորություն է տալիս մեր հաղթանակը վերջնականապես կնքենք։
Կարդացեք նաև
«Իրենք թող հասկանան, որ այդքան փորձեցին տարբեր հարձակումներ՝ քառօրյա պատերազմ, տավուշյան դեպքեր, դիվերսիա, հայ զինվորի ոգին անկոտրում է… թող չխաբնվեն իրենց զինուժին, էս վերջին ձեռքբերած զինտեխնիկային, մենք ազգովի պիտի կանգնենք ու հաղթենք»։
Արփինե ՍԻՄՈՆՅԱՆ
