«Երվանդ Խունդկարյանը չի ընտրվել ՍԴ նախագահ»,- քիչ առաջ ՍԴ աշխատակարգային նիստից հետո լրագրողների հետ ճեպազրույցում հայտնեց ՍԴ դատավոր Էդգար Շաթիրյանը:
Նա նշեց, որ Երվանդ Խունդկարյանը միակ թեկնածուն էր և ընտրվելու համար անհրաժեշտ թվով «կողմ» ձայներ չի ստացել ու մանրամասնեց. «Ընտրության համար պահանջվում էր դատավորների ընդհանուր թվի ձայների մեծամասնությունը՝ 9-ից 5 ձայն, քանի որ այսպես ասած, եթե ընդհանուր ենք մոտենում հարցին, ընտրվելու համար «կողմ» ձայներ չեն գրանցվել»:
Էդգար Շաթիրյանը չասաց, թե ձայների ինչ հարաբերակցություն է եղել, մինչդեռ լուրեր կան, որ երկու «կողմ», երեք «դեմ» hարաբերակցություն է եղել: Սակայն Էդգար Շաթիրյանը չցանկացավ մանրամասներ հայտնել, նաև չասաց, թե ինքն ինչպես է քննարկել: Նա հայտնեց, որ հնգօրյա ժամկետում նոր գործընթացներ կսկսեն. կկազմակերպվեն և կանցկացվեն ՍԴ նախագահի նոր ընտրություններ, նա ասաց, որ, բնականաբար, կլինեն նոր առաջադրումներ: Անդրադառնալով ՍԴ նախագահի տեղակալի ընտրությանը՝ Էդգար Շաթիրյանն ասաց, որ նիստն այսօր ընդմիջվել է և այն կշարունակվի երկուշաբթի՝ ժամը 11:00-ին:
Տաթև ՀԱՐՈՒԹՅՈՒՆՅԱՆ
