«Փա­շի­նյա­նը ճիշտ կա­ներ, նշեր՝ Հա­յաս­տա­նը, ի դեմս Ռու­սաս­տա­նի, դաշ­նա­կի՞ց է տես­նում, թե՞ գոր­ծա­կա­լա­կան ցանց». «Իրատես»

Հի­մա մի քա­նի հարց Փա­շի­նյա­նին 2050-ին ըն­դա­ռաջ. 2050-ին լուծ­ված կլի­նի՞ Ա­մուլ­սա­րի հար­ցը, պե­տու­թյու­նից գո­ղա­ցած գու­մար­նե­րը կո­պեկ առ կո­պեկ վե­րա­դարձ­ված կլի­նե՞ն ու կպարզ­վի՞, ի վեր­ջո, թե դրանք ինչ նպա­տա­կով են ծախս­վել, ՀԴՄ-ով տն­տե­սու­թյու­նը զար­գա­ցած կլի­նի՞, Ռո­բերտ Քո­չա­րյա­նի դա­տա­վա­րու­թյու­նը կա­վարտ­վի՞, մեր ու­ղե­ղում աղ­քա­տու­թյու­նը հաղ­թա­հար­ված կլի­նի՞, բո­լոր մոշ ա­ճեց­նող­ներն անգ­լե­րեն կյու­րաց­նե՞ն, տաք­սու բո­լոր վա­րորդ­նե­րը պար­զած կլի­նե՞ն ուղևոր­նե­րի ե­րաժշ­տա­կան ճա­շա­կը, հող մշա­կե­լիս բո­լո­րը կոս­տյում կհագ­նե՞ն, Ա­լիևը կշա­րու­նա­կի՞ կիրթ ու կա­ռու­ցո­ղա­կան լի­նել, Ձո­րաղ­բյու­րում բո­լոր պաշ­տո­նյա­նե­րի ա­ներ­ձա­գե­րը կհասց­նե՞ն ա­ռանձ­նա­տուն ու­նե­նալ (թե՞ դա միայն բա­ցա­ռիկ­նե­րի մե­նաշ­նորհն է), պարգևավ­ճար­նե­րի ֆոն­դը կհա­վա­սար­վի՞ մեր բյու­ջեին, թե՞ մի բան էլ կգե­րա­զան­ցի, միայն դի­մակ կրե­լով վի­րու­սի վեր­ջը կտա՞նք, ներդ­րում­նե­րի հա­մար ճամպ­րուկ­նե­րով գու­մար­նե­րը կգա՞ն Հա­յաս­տան, թե՞ ճամպ­րու­կով գու­մար­նե­րը դուրս կտա­նեն երկ­րից…

Մինչ հաս­կա­նանք՝ այ­սօր գոր­ծո­ղու­թյան մեջ է ի­րա­կա՞ն, թե՞ «ֆեյք» ռազ­մա­վա­րու­թյու­նը, փոր­ձենք ըն­դա­մե­նը մեկ հար­ցի վե­րա­բե­րյալ գո­նե 30 տա­րի ա­ռաջ ընդ­հա­նուր պատ­կե­րա­ցում ու­նե­նալ։ Ին­չո՞ւ է իշ­խա­նու­թյունն ակ­տիվ շր­ջա­նա­ռու­թյան մեջ դրել ռուս գոր­ծա­կալ­նե­րի մա­սին տե­ղե­կու­թյու­նը, ու դա ինչ յուղ կա­րող է լց­նել տա­րա­ծաշր­ջա­նում օր օ­րի թե­ժա­ցող կրա­կի վրա։ Նախ փաս­տենք, որ գոր­ծա­կալ­նե­րի մա­սին դեռ մեկ տա­րի ա­ռաջ հայ­տա­րա­րել է Նի­կոլ Փա­շի­նյա­նը, սա­կայն ոչ մի փաստ, ոչ մի հս­տակ ա­նուն այս­քան ժա­մա­նակ չներ­կա­յաց­վեց հա­սա­րա­կու­թյա­նը։ Հի­մա էլ կր­կին մեծ ոգևո­րու­թյամբ տխ­րահռ­չակ Խո­դոր­կովս­կու «Դո­սիե»-ի հա­մա­պա­տաս­խան հոդ­վածն է շր­ջա­նառ­վում, ան­գամ ԱԱԾ-ն է ո­րո­շել, որ դրա շուրջ ու­սում­նա­սի­րու­թյուն պի­տի ա­նի։ ՈՒ այս ա­մե­նը հայ-ռու­սա­կան ճգ­նա­ժա­մա­յին հա­րա­բե­րու­թյուն­նե­րի առ­կա­յու­թյան պայ­ման­նե­րում։ Տպա­վո­րու­թյուն կա, որ այս իշ­խա­նու­թյու­նը կամ նրա լուռ հա­մա­ձայ­նու­թյամբ ո­րոշ ու­ժեր ա­մեն ինչ ա­նում են, որ վերջ­նա­կա­նա­պես այդ հա­րա­բե­րու­թյուն­նե­րը փչաց­նեն։ 30 տար­վա ռազ­մա­վա­րու­թյան մեջ Փա­շի­նյա­նը ճիշտ կա­ներ, որ կոնկ­րետ, այլ ոչ բա­ժա­կա­ճա­ռի ո­ճով նշեր՝ Հա­յաս­տա­նը, ի դեմս Ռու­սաս­տա­նի, դաշ­նա­կի՞ց է տես­նում, թե՞ գոր­ծա­կա­լա­կան ցանց։ Ըստ այդմ էլ վեր­ջա­պես պարզ կլի­ներ, թե ին­չու Փա­շի­նյա­նի հետ ռու­սա­կան է­լի­տան չի ցան­կա­նում հա­րա­բեր­վել, և ին­չու՞ հենց հի­մա նման հոդ­ված հենց ռու­սա­կան լրատ­վա­մի­ջո­ցով հրա­պա­րակ­վեց։

Ռու­զան ԽԱ­ՉԱՏ­ՐՅԱՆ

Հոդվածն ամբողջությամբ՝ «Իրատես» թերթի այսօրվա համարում:

Կարդացեք նաև

«Կադրային փոփոխություններն իրենց բնույթով ոչ թե կոնֆլիկտային են, այլ աշխատանքային»․ Նիկոլ Փաշինյանը՝ պաշտոնանկությունների մասին

• 23:33 22.11.2024

Նիկոլ Փաշինյանը չի պատրաստվում հեռանալ իշխանությունից. Ավետիք Իշխանյան

• 22:30 22.11.2024

«Ադրբեջանին և Թուրքիային անհրաժեշտ է անատամ Հայաստան, որը պանթուրքիզմի ֆուռերի համար կլինի «պռախոդնոյ դվոռ». Էդուարդ Շարմազանով

• 21:40 22.11.2024