Aravot.am-ը ԲՈԿ նախագահ Սմբատ Գոգյանից հետաքրքրվեց՝ իր կարծիքով ԿԳՄՍ նախարարի տեղակալ Գրիշա Թամրազյանի հրաժարականը կարո՞ղ է ինչ-որ բանի ցուցիչ համարվել ԲՈԿ-ԿԳՄՍ նախարարություն-Տնտեսագիտական համալսարան թնջուկի համատեքստում:
«Ինձ թվում է՝ Գրիշա Թամրազյանի հրաժարականը ՀՀ վարչապետի հանձնարարությամբ իրականացված վարչական վարույթի արդյունք է»,-ասաց պարոն Գոգյանը:
Հարցրինք՝ իսկ դա լավատեսություն եւ հույսեր ներշնչո՞ւմ է, որ կկարողանա իր սկսած գործը շարունակել այլ ատենախոսությունների առումով նույնպես, արդյոք այդպիսով ազատվո՞ւմ են իր ձեռքերը: «Ոչ… որովհետեւ ԿԳՄՍ նախարարն իմ հրամանն առոչինչ է ճանաչել, հետեւաբար կառավարությունը պետք է որոշի՝ արդյոք այդ պրակտիկան պե՞տք է շարունակվի, թե ոչ, որովհետեւ նախարարը կարմիր լույս է վառել մի բանի առաջ, որը իրավաբանորեն մենք ճիշտ էինք անում»,-ասաց ԲՈԿ նախագահը:
Նրա խոսքով, սա ազդակ է այն բանի, որ պետք է կրթության վիճակը մեզանում լրջորեն քննարկվի, որովհետեւ մի ռեկտոր այս կողմ, մի պաշտոնյա այն կողմ, ոչինչ չի փոխում:
Կարդացեք նաև
Գոհար ՀԱԿՈԲՅԱՆ
