«Վարկային, բանկային կազմակերպությունների խնդիրն իրենց մրցունակությունն է, գործելաոճը, որը գոյություն չունի, եւ դա արձանագրում ենք որպես վատ փաստ: Այդ քաղաքականությունը լավագույնս որակել է ԲՀԿ ղեկավար Գագիկ Ծառուկյանը՝ ասելով, որ, ըստ էության, տեղի է ունենում լոմբարդային քաղաքականություն, ոչ թե բանկային կամ վարկային կազմակերպությունների քաղաքականություն»,-«Բարգավաճ Հայաստանի» նախաձեռնած՝ «Վարկերի եւ ժամկետանց այլ պարտավորությունների նկատմամբ տույժերի, տուգանքների եւ վարկային տոկոսադրույքների կիրառման, դրանց համաներման եւ այլ վարկային հիմնախնդիրները ՀՀ բանկային համակարգում» թեմայով խորհրդարանական լսումների ժամանակ այսօր հայտարարեց խմբակցության պատգամավոր Վահե Էնֆիաջյանը:
Նրա կարծիքով՝ վարկային եւ բանկային կազմակերպությունների՝ քաղաքացիներին առաջարկած պայմաններն ու տոկոսադրույքները հաճախ վատթարացնում են իրավիճակը՝ փոխանակ բիզնեսը բարելավեն, խնդիր կարգավորեն:
Պատգամավորը հիշեցրեց, որ ԲՀԿ-ն առաջարկում է կորոնավիրուսի պայմաններում վարկային համաներում կիրառել. «Վարկային արձակուրդն անխուսափելի է: Մեր համոզմամբ՝ այն կմեղմի իրավիճակը, կնպաստի, որպեսզի դուրս գանք այս իրավիճակից: Հայաստանում գրանցված են 43 վարկային և 17 բանկային կազմակերպություններ, եւ միջազգային դոնոր կազմակերպություններից հնարավոր է գումարներ ներդնել Հայաստանի տնտեսությունում»:
Կարդացեք նաև
Լուիզա ՍՈՒՔԻԱՍՅԱՆ
